Bíltúr um suðurströndina

Fáar leiðir á landinu jafnast á við bíltúr um Suðurland. Svæðið spannar um 400 kílómetra og geymir margt af ástsælasta landslagi landsins: háa fossa, svartar sandstrendur, skriðjökla og glitrandi jökullón. Með Black Sand Hotel sem bækistöð geturðu gefið þér tíma til að skoða frægustu staðina án þess að vera sífellt að pakka niður.

Suðurströndin á bíl

Það er engin betri leið til að njóta hrjúfrar fegurðar landsins en að fara á eigin bíl og á eigin hraða. Þú getur staldrað við fossana, stoppað þar sem útsýnið kemur á óvart og tekið krók út af alfaraleið.

Flestir frægu staðirnir á suðurströndinni liggja auk þess þétt saman. Seljalandsfoss er um 129 km frá Reykjavík og um 85 km frá Black Sand Hotel, og eftir það er stutt á milli staða. Jafnvel á einum degi er því hægt að sjá það helsta.

Hápunktar á Suðurlandi

Á suðurströndinni bíður þín fjöldi náttúruundra. Leyfðu landslaginu að opnast á leiðinni og njóttu útsýnisins, allt frá klettamyndunum við ströndina til nokkurra fallegustu fossa landsins.

Seljalandsfoss og Gljúfrabúi

Byrjaðu ferðina á einum frægasta fossi landsins, Seljalandsfossi. Ólíkt flestum fossum liggur stígur á bak við hann, og yfir hlýrri mánuðina er hægt að ganga hann. Þaðan sérðu landið í kring í gegnum úðann, frá einstöku sjónarhorni.

Aðeins nokkur hundruð metrum frá leynist minni og faldari nágranni hans: Gljúfrabúi. Hann kúrir í mosavöxnu gljúfri og til að komast að honum þarf að vaða grunnan læk og smeygja sér milli þröngra klettaveggja. Umbunin er vel þess virði: fíngerður foss sem fellur ofan í lítið, bergmálandi rými.

Skógafoss

Skógafoss er einn þekktasti foss landsins og ómissandi viðkomustaður. Hann fellur fram af breiðri klettabrún og úðinn myndar regnboga á sólríkum dögum. Gakktu alveg að fossinum til að finna kraftinn, eða farðu upp stigann að útsýnisstaðnum ofan við hann, þar sem vítt er yfir sléttlendið.

Áður en þú ferð er vel þess virði að kíkja á Byggðasafnið í Skógum við hliðina. Þar eru gömul hús og torfbæir sem segja sögu sveitarinnar.

Seljavallalaug

Ef þig langar í rólegan krók frá þjóðveginum er Seljavallalaug frábær kostur. Hún er ein elsta sundlaug landsins, byggð árið 1923 inn í hlíð í fallegum dal.

Að lauginni er stutt og falleg ganga, um 15 til 20 mínútur hvora leið frá bílastæðinu. Þar geturðu legið í volgu vatni með hrjúfa kletta og mosa allt um kring. Þetta er eftirminnilegt stopp, sérstaklega snemma eða seint um daginn þegar kyrrðin er mest.

Rútshellir og Drangshlíð

Rétt austan við Skógafoss eru tveir forvitnilegir staðir við veginn þar sem jarðfræði og þjóðtrú fléttast saman. Drangurinn í Drangshlíð er móbergsklettur sem rís upp af túnunum í Drangshlíð, með hellum og gömlum mannvirkjum inni í berginu. Sagan segir að þar hafi álfar búið.

Rétt hjá er Rútshellir, oft sagður stærsti manngerði hellir landsins. Hann er höggvinn inn í bergið við Hrútafell og hefur lengi verið nýttur í sveitinni, líklega sem geymsla og jafnvel svefnstaður. Þótt staðirnir séu ekki jafn þekktir og stóru staðirnir í kring gefa þeir ferðinni sögulega dýpt.

Reynisfjara og Dyrhólaey

Ekki missa af Reynisfjöru, frægustu svörtu strönd landsins. Sandurinn er kolsvartur, myndaður úr basalti sem kólnaði hratt í sjónum. Yfir ströndinni gnæfir stuðlabergið í Görðum og úti í sjónum rísa Reynisdrangar.

Öryggisins vegna skaltu halda góðri fjarlægð frá sjónum. Reynisfjara er alræmd fyrir kraftmiklar, óútreiknanlegar öldur sem geta skollið langt upp á ströndina án nokkurs fyrirvara.

Skammt frá geturðu ekið upp á Dyrhólaey. Af útsýnisstöðunum sést vítt yfir strandlengjuna, oft alla leið að Reynisfjöru og Reynisdröngum, eitt fallegasta útsýnið á allri suðurströndinni. Frá lokum apríl fram í ágúst heldur lundinn sig í björgunum.

Sólheimajökull

Á Sólheimajökli kemstu í návígi við jöklana. Þessi aðgengilegi skriðjökull gengur fram úr Mýrdalsjökli, sem hvílir ofan á eldstöðinni Kötlu.

Aldrei ætti að ganga á jökulinn án leiðsagnar, en Sólheimajökull er kjörinn fyrir jöklagöngur með leiðsögn. Ferðaþjónustuaðilar á staðnum leggja til búnaðinn svo þú getir örugglega skoðað bláar sprungur og íshryggi. Jöklaganga er ógleymanleg upplifun og kynni af jökli sem hopar hratt.

Flugvélarflakið á Sólheimasandi

Einn þekktasti krókurinn á suðurströndinni er flugvélarflakið á Sólheimasandi, leifar flugvélar bandaríska sjóhersins sem brotlenti þar árið 1973. Grár skrokkurinn hefur legið á svörtum sandinum síðan og myndar sérkennilega andstæðu við landslagið.

Ekki er lengur hægt að aka að flakinu, en frá bílastæðinu við hringveginn er um 4 km ganga hvora leið. Einnig er hægt að taka skutlu gegn gjaldi. Leiðin er slétt en óvarin, svo vindur og veður geta gert gönguna lengri en hún sýnist. Fyrir þau sem vilja góðar myndir er hún vel þess virði.

Jökulsárlón og Demantsströndin

Ferðin nær svo hámarki við Jökulsárlón. Lónið er fullt af ísjökum sem brotna úr Breiðamerkurjökli og reka hægt yfir vatnið. Margir eru skærbláir en aðrir með dökkar öskurákir frá fyrri eldgosum. Þú getur fylgst með ísjökunum af bakkanum eða komist nær í bátsferð.

Sumir jakarnir reka út úr lóninu og á land á ströndinni við hliðina, Demantsströndinni, þar sem ísinn glitrar eins og demantar á kolsvörtum sandinum.

Bestu leiðirnar til að skoða suðurströndina

Kosturinn við að gista á Black Sand Hotel er sveigjanleikinn. Þú getur sniðið ferðina að þínum tíma, hvort sem þú vilt hraðferð um helstu staðina eða rólegri ferð. Það er hægt að sjá það helsta á einum degi, en flestir kjósa að taka nokkra daga.

• Hraðferð á einum degi: Lítill tími? Á einum degi er hægt að ná Seljalandsfossi, Skógafossi, Reynisfjöru og jafnvel Vík. Þú þarft að leggja snemma af stað og koma seint til baka, en jafnvel stutt ferð um suðurströndina er ógleymanleg.

• Klassísk tveggja daga ferð: Þessi leið hentar sérstaklega vel ef þú gistir á hótelinu. Verðu fyrri deginum í vesturhluta suðurstrandarinnar, með fossunum, Reynisfjöru og Vík. Notaðu svo seinni daginn í austurhlutann, að Jökulsárlóni og Demantsströndinni. Þannig geturðu tekið þinn tíma án þess að skipta um gistingu.

• Allur hringurinn (hringvegurinn): Ef þú ætlar hringinn er suðurströndin oft fyrsti eða síðasti áfanginn. Það er tilvalið að gista nokkrar nætur á Black Sand Hotel fyrir eða eftir hringinn, slaka á og skoða næsta nágrenni í rólegheitum.

• Suðurströndin + Gullni hringurinn: Viltu hvort tveggja? Frá Ölfusi er auðvelt að skipta tímanum milli suðurstrandarinnar og Gullna hringsins. Taktu einn heilan dag í helstu staði Gullna hringsins, Gullfoss, Geysi og Þingvelli, og verðu svo tveimur eða fleiri dögum á suðurströndinni frá sömu bækistöð.

Hvar á að gista í ferð um Suðurland

Góð bækistöð skiptir öllu í ferð um Suðurland og Black Sand Hotel er vel staðsett. Frá Ölfusi ertu mun nær perlum suðurstrandarinnar en frá Reykjavík og styttir aksturinn verulega, en um leið er stutt yfir á Gullna hringinn.

Black Sand Hotel er líka hlýlegt athvarf eftir langan dag úti. Herbergin eru nútímaleg og vel hönnuð, með góðum rúmum, og á veitingastaðnum ÓMI eru bornir fram réttir úr héraði með fallegu útsýni yfir náttúruna í kring.

Ævintýrin á suðurströndinni bíða

Frá drynjandi fossum að glitrandi jökullóni: hver kílómetri á Suðurlandi býður eitthvað eftirminnilegt. Með bækistöð á Black Sand Hotel færðu tíma, sveigjanleika og þægindi til að njóta þess til fulls. Nú er bara að setjast undir stýri og skoða Suðurland á eigin hraða.

Algengar spurningar um ferðir um suðurströndina

Hvað tekur langan tíma að aka suðurströnd Íslands?

Akstur frá Reykjavík að Jökulsárlóni án stoppa tekur um 4,5 til 5 klukkustundir, en flestir dreifa ferðinni á tvo til þrjá daga til að njóta staðanna á leiðinni.

Er suðurströndin þess virði?

Já, suðurströndin er eitt vinsælasta svæði landsins, með fossum, jöklum og svörtum sandströndum á litlu svæði.

Hversu marga daga á að verja á Suðurlandi?

Best er að ætla tvo til þrjá daga í ferðina. Þannig geturðu séð allar helstu perlurnar í rólegheitum, þar á meðal Jökulsárlón.

Hver er fallegasta ökuleiðin á Íslandi?

Margir telja leiðina eftir suðurströndinni þá fallegustu. Hún fylgir þjóðvegi 1 fram hjá mörgum af þekktustu náttúruperlum landsins.

Hvenær er best að heimsækja suðurströnd Íslands?

Sumarið býður mildara veður, langa birtu og greiðara aðgengi að náttúruperlunum. Veturinn gefur möguleika á að sjá norðurljósin og taka þátt í árstíðabundnum ævintýrum eins og íshellaferðum.

Er Norðurland eða Suðurland betra?

Suðurströndin er oft einfaldasti kosturinn, þökk sé góðu aðgengi og fjölda frægra staða. Norðurland hentar aftur á móti þeim sem vilja rólegri vegi, hrjúft landslag og fara meira utan alfaraleiðar.