Brúðkaupsmyndir á suðurströndinni

Suðurströndin er einn magnaðasti staður í heimi fyrir brúðkaupsmyndir. Svartar strendur, kraftmiklir fossar, hraunbreiður og víður himinn skapa umgjörð sem er í senn hrá og innileg, og fyrir pör sem skipuleggja brúðkaup eða litla athöfn eru tækifærin til eftirminnilegra mynda óteljandi.

Hvort sem þið skipuleggið heilan brúðkaupsdag eða rólega myndatöku skiptir góður undirbúningur öllu. Því betur sem þið þekkið landslagið, því auðveldara er að ná myndum sem hrífa.

Hvernig finnið þið bestu tökustaðina?

Það snýst síður um að ná sem flestum kennileitum og frekar um að velja staði sem passa við tímann, árstíðina og það sem þið treystið ykkur í. Suðurströndin teygir sig hundruð kílómetra og veðrið breytist hratt.

Þegar þið veljið tökustaði fyrir brúðkaupsmyndir á Suðurlandi er gott að hafa í huga:

• Aksturstíma milli staða, sérstaklega að vetri til

• Aðgengi og öryggi, einkum við kletta og sjó

• Birtuskilyrði á ólíkum tímum dags

• Fjölda gesta, sem getur verið mjög breytilegur eftir árstíðum

Gott staðarval heldur akstrinum í lágmarki og gefur meiri tíma í myndatökuna sjálfa, svo dagurinn verður rólegri og ánægjulegri.

Bestu staðirnir fyrir brúðkaupsmyndir á suðurströndinni

Hér eru nokkrir þekktustu og myndrænustu staðirnir fyrir litla athöfn eða brúðkaup á Íslandivið suðurströndina.

1. Skógafoss

Skógafoss er einn kraftmesti og glæsilegasti fossinn á suðurströndinni. Breitt vatnsfallið gefur sterka tilfinningu fyrir stærð og hentar því vel fyrir dramatískar myndir. Á sólríkum dögum myndar úðinn oft regnboga sem gefa myndunum mjúkan, nánast draumkenndan blæ. Auðvelt er að komast að fossinum, svo hann hentar pörum sem vilja stórbrotið landslag án langrar göngu.

2. Seljalandsfoss

Við Seljalandsfoss er hægt að ganga á bak við fossinn, sem gefur lagskiptar myndir og mjúka, síaða birtu. Staðurinn nýtur sín best snemma morguns eða seint á kvöldin þegar færri eru á ferli, og hreyfing vatnsins gefur myndunum dýpt.

3. Kvernufoss

Kvernufoss leynist skammt frá Skógum og þar ríkir meiri nánd en við stóru fossana í kring. Stutt ganga liggur inn í þröngt gil þar sem klettaveggir og gróður ramma fossinn inn, kyrrlát umgjörð fyrir persónulegar myndir.

4. Gljúfrabúi

Gljúfrabúi er að hluta falinn í þröngu gljúfri og þar ríkir ævintýraleg stemning. Birtan endurkastast mjúklega af klettunum og gefur náttúrulegan ljóma. Góður staður fyrir pör sem vilja fara aðeins út fyrir alfaraleið án þess að fara langt.

5. Reynisfjara

Reynisfjara er ein þekktasta svarta strönd landsins. Stuðlaberg, hraun og kröftugt brim skapa sláandi bakgrunn, en aðstæður breytast hratt og ljósmyndarar halda sig við víðar myndir og örugga fjarlægð frá flæðarmálinu.

6. Vík í Mýrdal og Víkurfjara

Við Vík eru langar svartar fjörur, opinn himinn og víðsýnt útsýni yfir hafið. Víkurfjara er oft rólegri en Reynisfjara, svo þar er auðveldara að ná afslöppuðum og eðlilegum myndum, sérstaklega við sólarupprás og sólsetur.

7. Dyrhólaey

Dyrhólaey rís hátt yfir ströndina og þaðan er víðsýnt yfir hafið og landið. Af bjargbrúninni má ná víðum myndum sem sýna stærð suðurstrandarinnar. Aðgangur er takmarkaður hluta ársins, en þegar opið er er þetta einn besti tökustaður svæðisins.

8. Sólheimajökull

Á Sólheimajökli eru hrjúf áferð, djúpar sprungur og sterk tilfinning fyrir stærð. Myndataka þar er ævintýraleg og af öryggisástæðum er eindregið mælt með reyndum leiðsögumanni.

9. Jökulsárlón

Jökulsárlón er eins og úr öðrum heimi, með ísjaka sem líða hægt yfir lónið. Birtan endurkastast af ísnum og breytist allan daginn. Vegna fjarlægðarinnar hentar staðurinn best fyrir litlar athafnir eða myndatökur sem dreifast á fleiri daga.

10. Demantsströndin

Hinum megin við veginn liggja ísbrot á svörtum sandinum eins og dreifðir kristallar. Andstæður íss og sands gefa hreinar og einfaldar myndir, og Demantsströndin fer vel með heimsókn að Jökulsárlóni.

Að vinna með íslenskum ljósmyndurum

Íslenskir brúðkaupsljósmyndarar hafa meira fram að færa en tæknikunnáttu. Þeir vita hvernig birtan breytist yfir daginn, hvernig veðrið hagar sér við suðurströndina og hvernig unnið er af öryggi í opnu landslagi.

Það þýðir líka:

• Tímaáætlun sem lagar sig að veðri og birtu

• Djúpa þekkingu á tökustöðum og aðkomuleiðum

• Ríka áherslu á öryggi við kletta, jökla og svartar strendur

• Reynslu af því að vinna í vindi, rigningu og kulda

  Sú reynsla er sérstaklega dýrmæt á afskekktum stöðum við suðurströndina.

  Að setja saman tímaáætlun fyrir myndatökuna

  Raunhæf tímaáætlun dregur úr streitu og leyfir myndatökunni að flæða. Á suðurströndinni er sveigjanleiki lykilatriði.

  Hafið þetta í huga þegar þið skipuleggið daginn:

  • Veljið færri staði svo meiri tími gefist á hverjum

  • Ef þið viljið fleiri staði, dreifið þeim á fleiri daga

  • Gerið ráð fyrir svigrúmi vegna veðurs og færðar

  • Skipuleggið portrettmyndir eftir birtunni frekar en föstum tímum

  • Farið í heita laug milli staða til að hlýja ykkur og hvílast

  • Gefið ykkur tíma til að hægja á og njóta

    

    Gististaðurinn mótar líka daginn. Gisting nálægt helstu tökustöðunum styttir aksturinn og eykur sveigjanleikann.

    Black Sand Hotel er rólegur staður við ströndina, með notalegum herbergjum í skandinavískum stíl. Þar er gott að hvílast á milli myndatöku, og hótelið er líka góð bækistöð fyrir ferðalag um Suðurland eftir stóra daginn.

    Búnaður og pökkunarráð

    Góður undirbúningur skilar sér, ekki síst í síbreytilegu íslensku veðri. Hér er stuttur pökkunarlisti fyrir brúðkaup á Íslandi og myndatökuna.

    Fyrir brúðhjónin:

    • Hlý lög af fatnaði og vindheldar yfirhafnir

    • Vatnsheldir skór eða traustir gönguskór fyrir ójafnt undirlag

    • Látlausir jarðlitir sem njóta sín á móti svörtum ströndum og hrauni

      Fyrir ljósmyndara:

      • Þrífótur fyrir stöðugar myndir

      • Linsuklútar vegna úða og rigningar

      • Veðurhlífar fyrir myndavélarnar

      • Varabúnaður fyrir breytilegar aðstæður

      • Aukarafhlöður (þær tæmast hraðar í kulda)

        Þegar öllum líður vel er auðveldara að njóta augnabliksins, og myndirnar verða eðlilegri.

        

        Brúðkaupsmyndirnar ykkar

        Að ná ógleymanlegum brúðkaupsmyndum á suðurströndinni snýst um að taka umhverfinu opnum örmum. Vindurinn, birtan og landslagið eru hluti af upplifuninni. Með góðu skipulagi og réttum stöðum verða myndirnar tímalausar og fullar af tilfinningu, og reyndur ljósmyndari sér til þess að náttúran njóti sín í hverjum ramma.

        Algengar spurningar um brúðkaupsmyndatökur á Íslandi

        Þurfum við leyfi fyrir brúðkaupsmyndatöku á Íslandi?

        Á flestum stöðum sem eru opnir almenningi þarf ekki leyfi. Á sumum friðlýstum svæðum og í einkalandi getur þó þurft skriflegt leyfi eða greitt gjald.

        Hvaða árstími er bestur fyrir brúðkaupsmyndatöku á suðurströndinni?

        Frá því síðla vors og fram á haust er aðgengið betra og dagarnir lengri. Veturinn býður upp á dulúðuga birtu, færri ferðamenn, möguleika á að sjá norðurljósin og dramatískara andrúmsloft.

        Hvaða tími dags er bestur fyrir brúðarmyndir á Íslandi?

        Snemma morguns og seint á kvöldin er birtan mýkst. Á sumrin gefa björtu næturnar mikinn sveigjanleika.

        Með hve löngum fyrirvara ættum við að bóka brúðkaupsljósmyndara á Íslandi?

        Margir íslenskir brúðkaupsljósmyndarar eru bókaðir 6 til 12 mánuði fram í tímann, sérstaklega yfir sumarið, svo best er að bóka snemma.

        Í hverju ættu brúðhjón að vera á brúðkaupsmyndum á Íslandi?

        Hlý lög, vindheldar yfirhafnir og góðir skór eru nauðsynleg. Einföld snið njóta sín best í íslensku landslagi.