Allar sögur · Ferðaráð · 30. júní 2026
Svona velurðu hótel á Suðurlandi
Hótelum á Suðurlandi hefur fjölgað svo mikið að valið getur virst yfirþyrmandi. Hvert hótel hefur sína staðsetningu, stemningu og aðstöðu, og rétta valið fer eftir því hvernig þú ætlar að ferðast. Vel valið hótel styttir aksturinn og hjálpar þér að hvílast eftir langan dag.
Viltu finna réttu bækistöðina fyrir ferðina um suðurströndina? Hér förum við yfir það sem gott er að skoða áður en þú bókar.
1. Ákveddu hversu stóran hluta suðurstrandarinnar þú vilt skoða
Áður en þú bókar hótel skaltu ákveða hversu stóran hluta suðurstrandarinnar þú ætlar að skoða. Ferðaáætlunin um Suðurland hjálpar þér að finna besta gististaðinn.
Suðurströndin nær yfir stórt svæði. Margir leggja af stað frá Reykjavík og keyra austur að stöðum eins og Seljalandsfossi, Skógafossi, Reynisfjöru og Vík, og sumir fara alla leið að Svartafossi, Demantsströndinni og Jökulsárlóni.
Þessir staðir liggja alls ekki allir þétt saman, svo hótel sem hentar vel fyrir stutta ferð er ekki endilega besti kosturinn í lengri ferð.
Spurðu þig:
Hvaða staðir eru efstir á óskalistanum?
Ertu í dagsferð eða ætlarðu að dvelja í nokkra daga?
Ætlarðu að aka allan syðri hluta hringvegarins?
Ef þú gistir bara eina eða tvær nætur skaltu velja hótel nálægt þeim stöðum sem þú vilt sjá. Í lengri ferðum getur borgað sig að gista á fleiri en einum stað, þá styttist aksturinn og meiri tími gefst á hverjum stað.
2. Veldu staðsetningu út frá áhugamálunum
Veldu því næst hótel sem er nálægt því sem þú ætlar að gera. Þegar stutt er í afþreyinguna er auðveldara að koma fleiru fyrir án þess að asinn taki yfir.
Hér sérðu hvar er best að gista á suðurströndinni eftir áhugasviði:
Fossaferðir: Gistu vestarlega á Suðurlandi ef þú vilt vera stutt frá fossum Suðurlands eins og Seljalandsfossi, Gljúfrabúa og Skógafossi.
Ferð á svörtu strendurnar: Ef þú ætlar í Reynisfjöru eða í fjórhjólaferð er gott að gista nálægt Vík.
Jöklaævintýri: Gistu austar ef þú ætlar að Jökulsárlóni eða í jöklagöngur og íshellaferðir.
Dýralíf: Ef lundarnir heilla skaltu velja hótel nálægt Dyrhólaey eða Vestmannaeyjum.
Kyrrð í náttúrunni: Ef þú vilt rólegri takt skaltu leita að kyrrlátum stað við ströndina í Sveitarfélaginu Ölfusi.
3. Hugaðu að samgöngum
Hvernig þú ætlar að komast á milli staða hefur líka áhrif á hvaða hótel hentar. Flestir fara um suðurströndina á bíl, en almenningssamgöngur og skipulagðar ferðir eru líka í boði.
Ef þú ert á bíl skaltu leita að hóteli sem býður upp á:
Ókeypis bílastæði
Hleðslustöðvar fyrir rafbíla
Góðan aðgang að vegum á veturna
Stutt frá hringveginum
Hæfilegan akstur að helstu stöðum
Ef þú ert ekki á bíl skaltu leita að hóteli sem:
er nálægt stoppistöðvum eða stöðum þar sem ferðaþjónustufyrirtæki sækja farþega
býður upp á akstur frá flugvelli eða skutl ef á þarf að halda
getur aðstoðað við að bóka ferðir og akstur á svæðinu
Hótel sem hentar ferðamátanum gerir alla ferðina einfaldari.
4. Settu þér fjárhagsramma
Verðið skiptir máli en ætti ekki að vera það eina sem ræður. Ísland getur verið dýrt og hótelverð er breytilegt eftir árstíð, staðsetningu og þjónustu.
Þegar þú berð saman verð skaltu horfa á heildina:
Er morgunverður innifalinn?
Er bílastæði innifalið?
Býður hótelið upp á ókeypis þráðlaust net?
Eru herbergin nógu rúmgóð?
Er heilsulindarþjónusta á staðnum?
Sumum nægir einfalt herbergi, aðrir vilja meiri þægindi eftir langa daga úti.
Ef þú ætlar að verja mestum tíma í að skoða þig um vega staðsetning og morgunverður líklega þyngst. Ef þú vilt afslappað frí skipta útsýnið, hönnunin, maturinn og heilsulindin kannski meira máli.
5. Skoðaðu herbergin sem eru í boði
Rétta herbergið getur skipt sköpum, sérstaklega ef þú ferðast með fjölskyldu, vinum eða hópi. Athugaðu fyrir bókun hvort hótelið bjóði upp á herbergi sem henta þér.
Sá sem ferðast einn vill kannski einfalt og þægilegt herbergi með góðu neti og stutt í mat. Pör kjósa gjarnan herbergi með sjávarútsýni, stærra rúm eða kyrrð. Fjölskyldur gætu þurft meira pláss, barnarúm eða samliggjandi herbergi, og hópar vilja oft nokkur herbergi nálægt hvert öðru eða sameiginleg rými.
Þegar þú skoðar kostina skaltu líka bera saman:
Stærð herbergja
Uppröðun rúma
Samliggjandi herbergi
Framboð á aukarúmum og barnarúmum
Ef þú gistir í nokkrar nætur skipta þægindin enn meira máli. Rúmgott og vel búið herbergi auðveldar þér að slaka á og hlaða batteríin eftir hvern dag.
6. Berðu saman aðstöðu og þjónustu
Góð aðstaða og þjónusta gera dvölina þægilegri, sérstaklega á bílferð um suðurströndina. Suðurströndin er falleg en dagarnir geta verið langir og lýjandi, með klukkustundum í akstri, göngum, myndatökum eða útivist.
Leitaðu að aðstöðu á borð við:
Hrein og þægileg rúm
Baðherbergi með heitri sturtu
Kaffi og te á herberginu
Skrifborð eða setuaðstöðu
Frítt og hratt net
Flatskjá með gervihnattastöðvum
Heilsulind eða vellíðunaraðstöðu
Þvottaaðstöðu
Þjónustan skiptir ekki minna máli, einkum ef þú ert í nokkra daga. Athugaðu hvort hótelið bjóði upp á:
Sjálfsinnritun
Farangursgeymslu
Dagleg þrif
Aðstoð við bókun ferða
Gestaþjónustu allan sólarhringinn
Þessi þjónusta sparar tíma og einfaldar ferðalagið. Hótel sem aðstoðar við að bóka ferðir getur til dæmis útvegað jöklagöngur, hestaferðir eða norðurljósaferðir, og farangursgeymsla kemur sér vel ef þú mætir fyrir innritun eða vilt skoða þig um eftir útritun.
7. Hugaðu að aðgengi og þörfum fjölskyldunnar
Hótelið þarf að henta öllum í hópnum. Aðgengi og fjölskylduvænar lausnir skipta sérstaklega miklu máli ef þú ferðast með börn, eldra fólk eða fólk sem á erfitt með gang.
Athugaðu fyrir bókun hvort hótelið bjóði upp á:
Lyftur
Aðgengileg herbergi
Þrepalausan inngang
Aðgengileg bílastæði
Sturtur án þröskulda
Barnarúm eða vöggur
Barnastóla
Ef aðgengi skiptir sköpum skaltu hafa beint samband við hótelið áður en þú bókar. Það kemur í veg fyrir óvæntar uppákomur.
8. Kynntu þér matinn
Matur skiptir miklu þegar hótel á Suðurlandi er valið. Í dreifbýli getur verið langt á næsta veitingastað og opnunartímar styttri en í borginni. Eftir langan dag úti munar miklu að hafa góðan mat á staðnum.
Leitaðu að hóteli á suðurströndinni sem býður upp á:
Veitingastað á staðnum
Morgunverðarhlaðborð
Bar eða setustofu
Hótel án veitingastaðar getur samt hentað vel ef veitingastaðir eða kaffihús eru í nágrenninu.
Ef þú ert með sérþarfir í mataræði er gott að skoða matseðilinn fyrir bókun. Mörg hótel bjóða upp á grænmetisrétti og rétti fyrir fólk með ofnæmi, en best er að fá það staðfest. Fjölskyldur ættu líka að kanna hvort barnamatseðill og sveigjanlegir matartímar séu í boði.
9. Hugsaðu um árstíðina
Rétta hótelið getur líka farið eftir árstíðinni, því hver árstíð hefur sitt og það getur haft áhrif á hvar best er að gista.
Sumar (júní til ágúst)
Á sumrin eru dagarnir langir. Þú getur keyrt lengur, komið fleiri stöðum fyrir á einum degi og notið græns landslagsins, fossanna og strandarinnar. Sumarið er líka vinsælasti tíminn og hótelin fyllast snemma, svo bókaðu tímanlega ef þú vilt ákveðið herbergi eða staðsetningu.
Vetur (nóvember til mars)
Á veturna eru dagarnir stuttir og veðrið getur sett strik í reikninginn. Þá skiptir enn meira máli að gista nálægt stöðunum sem þú vilt sjá, og gott er að velja hótel með veitingastað svo þú þurfir ekki að keyra langt í myrkri.
Veturinn er líka góður tími til að sjá norðurljósin, þegar himinninn er dimmur og heiður. Rólegt hótel fjarri ljósmengun gerir upplifunina betri, þótt norðurljósin láti aldrei bóka sig fyrirfram.
Vor og haust
Vor og haust eru góður tími fyrir þá sem vilja færri ferðamenn. Veðrið á Suðurlandi getur verið óútreiknanlegt, en á þessum árstíðum er oft gott jafnvægi milli birtu, landslags og lausra herbergja.
Stuttur samanburður: Á sumrin skipta staðsetning og laus herbergi oftast mestu. Á veturna skipta þægindi, matur, færð og aðstoð við að bóka ferðir enn meira máli.
Af hverju Black Sand Hotel er góð bækistöð á Suðurlandi
Ertu að leita að hóteli sem uppfyllir flest af því sem hér er farið yfir? Black Sand Hotel er góður kostur. Hótelið stendur í Ölfusi og sameinar kyrrláta staðsetningu við ströndina og nútímaþægindi. Og það sem mestu skiptir er að þaðan er stutt í helstu perlur Suðurlands.
Af hverju Black Sand Hotel?
Kyrrlát staðsetning, stutt í allt
Um 40 mínútna akstur frá Reykjavík
Stutt að helstu stöðum Suðurlands
Stutt í brimbrettasvæðið við Þorlákshöfn og þjónustuna á Selfossi
Við kyrrláta svarta strönd í Ölfusi
Herbergi fyrir alla
79 herbergi og svítur í skandinavískum stíl
Herbergistegundir frá Classic Twin upp í Signature svítu
Aðgengileg herbergi með sturtum án þröskulda fyrir fólk sem á erfitt með gang
Samliggjandi fjölskylduherbergi með svefnsófum og barnarúmum sé þess óskað
Gólfsíðir gluggar með útsýni yfir Atlantshafið eða Ölfusá
Þægileg aðstaða
Ókeypis þráðlaust net um allt hótelið
Morgunverðarhlaðborð innifalið í hverri dvöl
Snjallsjónvörp, vönduð DUX-rúm og kaffi og te á herbergjunum
Heilsulind sem opnar undir lok árs 2026
Matur og drykkur á staðnum
Veitingastaðurinn og barinn ÓMUR á hótelinu
Norrænn matseðill Huga Rafns Stefánssonar yfirmatreiðslumanns
Morgunverður, kvöldverður og barþjónusta alla daga
Góð þjónusta
Gestaþjónusta allan sólarhringinn
Dagleg þrif
Einkaakstur í boði sé þess óskað
Hvort sem þú ferðast með fjölskyldunni, vinum eða makanum eru herbergi á Black Sand Hotel sem henta. Staðsetningin og aðstaðan gera það einfalt að skoða suðurströndina.
Finndu rétta hótelið
Að velja hótel á Suðurlandi byrjar á því að finna það sem passar við ferðaáætlunina, ferðamátann og budduna. Skoðaðu staðsetningu, samgöngur, herbergi, aðstöðu og þjónustu áður en þú bókar, og hugsaðu um hversu langt þú vilt keyra á dag og hvaða staðir eru í forgangi.
Vel valin gisting, eins og Black Sand Hotel, gerir auðveldara að skoða svæðið á eigin hraða. Með góðri staðsetningu og þægilegri aðstöðu fer minni tími í skipulag og meiri tími í að njóta náttúrunnar.
Algengar spurningar
Hvar er best að gista á Suðurlandi?
Það fer eftir ferðaáætluninni og áhugamálunum. Gistu vestarlega á Suðurlandi fyrir fossana, nálægt Vík fyrir svörtu strendurnar eða austar fyrir jöklana.
Hversu marga daga ætti ég að verja á suðurströndinni?
Gerðu ráð fyrir að minnsta kosti 2 til 3 dögum til að sjá helstu staðina án asa. Bættu við degi ef þú vilt fara að Jökulsárlóni, í jöklagöngu eða íshellaferð.
Þarf ég bíl?
Bíll er einfaldasta leiðin til að skoða suðurströndina og gefur mestan sveigjanleika. Ef þú ætlar ekki að keyra sjálf eða sjálfur skaltu velja hótel nálægt stoppistöðvum eða stöðum þar sem ferðaþjónustufyrirtæki sækja farþega.
Hvaða mánuður er bestur?
Það fer eftir áhugamálunum. Komdu á sumrin fyrir langa og bjarta daga, eða á veturna fyrir snævi þakið landslag, íshella og norðurljós.
Með hve löngum fyrirvara ætti ég að bóka?
Bókaðu með nokkurra mánaða fyrirvara ef þú kemur á sumrin eða á öðrum annatímum. Á veturna er yfirleitt meira laust, en það borgar sig samt að bóka snemma.
Eru fjölskylduvæn hótel á Suðurlandi?
Já, mörg hótel á Suðurlandi taka vel á móti fjölskyldum. Black Sand Hotel býður til dæmis upp á samliggjandi fjölskylduherbergi, barnarúm og veitingastað á staðnum, og stutt er í helstu staði.
Sést til norðurljósa frá hótelum á suðurströndinni?
Já, mörg hótel á suðurströndinni, eins og Black Sand Hotel, eru á góðum stöðum til að horfa á norðurljósin frá september til apríl. Veldu hótel fjarri borgarljósunum, en mundu að norðurljósin fara alltaf eftir veðri og virkni sólar.
