Hvar er best að gista á suðurströndinni?

Hvar er best að gista á Suðurlandi? Suðurströndin er gott upphaf. Hún er eitt fegursta svæði landsins og teygir sig frá Reykjavík austur að jöklunum, með fossum, svörtum ströndum, hraunbreiðum og litlum bæjum á leiðinni, hver með sinn sjarma.

Hvort sem þú ætlar í stutta ferð frá Reykjavík eða hringinn í kringum landið skiptir máli hvar þú gistir. Hér förum við yfir bestu svæðin á suðurströndinni og hvað hvert þeirra hefur upp á að bjóða.

Hveragerði: blómabærinn rétt við Reykjavík

Hveragerði, þar sem finna má sum af jarðhitaundrum landsins, er einn þeirra bæja á Suðurlandi sem eru næst Reykjavík. Bærinn er þægilegur fyrsti viðkomustaður á leiðinni austur.

Svæðið er þekkt fyrir heitu ána í Reykjadal, þar sem hægt er að ganga upp dalinn og baða sig. Í bænum rýkur úr Hveragarðinum og gefur honum sinn sérstaka blæ. Góður kostur fyrir þau sem vilja byrja rólega án þess að fara langt frá borginni.

Hentar best fyrir: Fyrstu eða síðustu nóttina, stutta dvöl, jarðhita

Hafðu í huga: Langt er í helstu perlur suðurstrandarinnar, eins og Jökulsárlón

Ölfus: útivist við ströndina

Langar þig að gista á Suðurlandi fjarri mannmergðinni? Ölfus er minna þekkt svæði þar sem strönd og útivist mætast, frábær kostur fyrir þau sem vilja rólega dvöl.

Þótt svæðið sé kyrrlátt er margt hægt að gera. Þú getur skoðað hraun og hella, farið á hestbak eða jafnvel prófað brimbretti frá Þorlákshöfn. Svæðið er meira utan alfaraleiðar en aðrir viðkomustaðir á suðurströndinni.

Hentar best fyrir: Útivist, færri á ferli, óvenjulegar upplifanir

Hafðu í huga: Færri gistimöguleikar en í stærri bæjum

Selfoss: matur, menning og þægindi

Selfoss er einn stærsti bær Suðurlands og vinsæl bækistöð fyrir þau sem vilja meiri þjónustu. Hann er líka algengur viðkomustaður hjá þeim sem tvinna saman Gullna hringinn og suðurströndina.

Matarmenningin er í örum vexti, með veitingastöðum, kaffihúsum og verslunum í nýja miðbænum. Ef þú vilt fjölbreytni og þægindi er Selfoss góður kostur.

Hentar best fyrir: Mat og drykk, þægindi og alla þjónustu

Hafðu í huga: Landslagið er látlausara en austar

Hella og Hvolsvöllur: hliðið að fossum og eldfjöllum

Hella og Hvolsvöllur eru oft fyrstu eiginlegu viðkomustaðirnir á suðurströndinni á leiðinni frá Reykjavík. Þaðan er stutt í nokkra af frægustu fossum Suðurlands, meðal annars Seljalandsfoss, Skógafoss, Gljúfrabúa og Kvernufoss.

Hella er þekkt fyrir manngerðu hellana. Þar er líka boðið upp á mótorhjólaferðir og hestaferðir um sveitina. Frá Hvolsvelli er farið í jeppaferðir inn í Þórsmörk og þar eru fallegar gönguleiðir. Á Hvolsvelli er líka Lava Centre, þar sem fræðast má um eldvirkni á Íslandi.

Bæirnir eru auk þess stutt frá Landeyjahöfn, þaðan sem ferjan siglir til Vestmannaeyja.

Hentar best fyrir: Aðgengi að fossum og eldfjöllum, ferðir til Vestmannaeyja

Hafðu í huga: Rólegir bæir með færri veitingastöðum

Vík í Mýrdal: góð bækistöð fyrir perlur suðurstrandarinnar

Vík er einn vinsælasti gististaðurinn á Suðurlandi, og ekki að ástæðulausu. Bærinn er miðsvæðis á suðurströndinni og góð bækistöð til að skoða perlurnar í nágrenninu.

Rétt hjá er Reynisfjara, þekkt fyrir stuðlaberg og kröftugt brim, og stutt er í Dyrhólaey, Skógafoss og Sólheimajökul.

Í Vík er fjölbreytt gisting, allt frá einföldum gistiheimilum upp í lúxushótel, og bærinn er líka góður staður til að elta norðurljósin á veturna, með fræg kennileiti í forgrunni.

Hentar best fyrir: Fyrstu heimsókn, miðlæga staðsetningu, þekkt landslag

Hafðu í huga: Vinsæll staður, bókaðu snemma á háannatíma

Kirkjubæjarklaustur: kyrrlátt stopp milli Víkur og jöklanna

Þetta litla þorp, oft kallað Klaustur, er á milli Víkur og Jökulsárlóns. Það er friðsæll gististaður og gott að stoppa þar á lengri ferð eftir hringveginum.

Í kring er einstakt landslag, meðal annars Stjórnarfoss, Eldhraun, Fjaðrárgljúfur og Dverghamrar. Stutt er líka í Svartafoss, sem var fyrirmynd að Hallgrímskirkju í Reykjavík.

Hér er afskekkt stemning, fáir á ferli og víðáttumikið útsýni. Lítil ljósmengun gerir staðinn líka góðan til norðurljósaskoðunar á veturna.

Hentar best fyrir: Kyrrláta dvöl, náttúruferðir, stopp á miðri leið

Hafðu í huga: Takmarkað úrval veitingastaða og gistingar

Höfn: bækistöð fyrir hringveginn og jöklana

Höfn er austar og gjarnan bækistöð fyrir þau sem halda áfram hringinn. Þaðan er um klukkustundar akstur að Jökulsárlóni og Demantsströndinni, tveimur frægustu náttúruperlum landsins.

Stutt er líka á Stokksnes og að Vestrahorni, þar sem tignarlegir tindar rísa upp af svörtum sandöldum. Vatnajökull er skammt undan og Höfn því góður upphafsstaður fyrir jöklagöngur og íshellaferðir.

Höfn er oft kölluð humarhöfuðborg Íslands og er þekkt fyrir humarréttina. Bærinn hefur líka heimilislegri blæ en minni þorpin á suðurströndinni.

Hentar best fyrir: Lengri ferðir, jökla, hringferðir

Hafðu í huga: Of langt fyrir stuttar ferðir um suðurströndina

Hvað þarf að hafa í huga við val á bækistöð?

Gististaðurinn fer eftir áhugamálum þínum, ferðahraða og hve mikinn tíma þú hefur. Hafðu þetta í huga áður en þú bókar:

• Áhugamál: Á ólíkum stöðum á suðurströndinni er ólíkt landslag. Sum svæði eru nær fossum og svörtum ströndum, önnur nær jöklum og íshellum.

• Ferðastíll: Ef þú vilt rólega dvöl skaltu velja fáfarnari bæi við ströndina. Ef þú vilt vera nálægt helstu perlunum skaltu velja miðlægari staði.

• Ferðahraði: Ferð um suðurströndina felur í sér langan akstur. Það getur verið afslappaðra að skipta dvölinni á tvo staði, en ein bækistöð hentar betur fyrir styttri ferðir.

• Tíminn sem þú hefur: Ef tíminn er naumur sparar það akstur að gista nær höfuðborginni. Í lengri ferð geturðu farið austar.

• Árstíminn: Á veturna er birtutíminn stuttur og því hentugra að gista nálægt helstu stöðunum. Svæði með litla ljósmengun eru líka betri fyrir norðurljósin.

• Samgöngur: Á eigin bíl hefurðu meiri sveigjanleika til að gista á rólegri stöðum. Ef þú ferðast með rútum eða í skipulögðum ferðum er betra að velja stærri bæi.

Black Sand Hotel: hliðið að suðurströndinni

Á suðurströndinni er fjölbreytt úrval gististaða, frá líflegum bæjum til afskekktari staða við sjóinn. Ef þú vilt kyrrláta bækistöð úti í náttúrunni er Black Sand Hotel góður kostur.

Hótelið er í Ölfusi, við svarta strönd með opið landslag og útsýni yfir hafið. Umhverfið er rólegt, en samt er stutt í helstu perlur suðurstrandarinnar.

Þess vegna er Black Sand Hotel þægileg bækistöð:

• Kyrrlát staðsetning við ströndina: Friðsæll staður fjarri fjölförnum viðkomustöðum, beint við svarta ströndina með víðu útsýni yfir hafið.

• Nálægð við íslenska náttúru: Stígðu út fyrir dyrnar og njóttu hraunsins, jarðhitans og hafsins sem suðurströndin er þekkt fyrir.

• Þægileg herbergi með útsýni: Herbergin eru í hreinum skandinavískum stíl með útsýni yfir hafið eða ána.

• Veitingar og vellíðan á staðnum: Njóttu matar á ÓMI og slakaðu á í heilsulindinni eftir viðburðaríkan dag.

• Norðurljósin: Lítil ljósmengun og stutt í útsýnisstaðinn við Ölfusá gefa góð skilyrði til að sjá norðurljósin á veturna.

  Hvort sem þú gistir eina nótt eða tvær er Black Sand Hotel góð bækistöð til að skoða Suðurland.

  Skipuleggðu dvölina

  Á endanum snýst val á gististað um hvernig þú vilt upplifa ferðalagið. Hver staður hefur sína leið til að kynnast suðurströndinni, og með réttri bækistöð geturðu hægt á þér, notið landslagsins og fengið sem mest út úr ferðinni.

  Viltu fleiri hugmyndir? Skoðaðu þriggja daga ferðaáætlun um Suðurland frá Black Sand Hotel.

  Algengar spurningar um gistingu á Suðurlandi

  Er suðurströndin þess virði?

  Já, suðurströndin er einn fegursti hluti landsins, með fossum, jöklum, svörtum ströndum og mörgu af þekktasta landslagi Íslands, allt á aðgengilegri leið.

  Hverju má ekki missa af á Suðurlandi?

  Meðal helstu perlanna eru Seljalandsfoss, Skógafoss, Reynisfjara og Jökulsárlón, einhverjir mest mynduðu staðir landsins.

  Hvar er best að gista við suðurströndina?

  Vík er einn besti gististaðurinn vegna miðlægrar staðsetningar. Fyrir rólegri dvöl er Ölfus frábær kostur og Höfn hentar vel fyrir lengri hringferðir.

  Hve marga daga þarf á Suðurlandi?

  Flestir verja tveimur til fimm dögum á suðurströndinni. Styttri ferð dugar fyrir helstu perlurnar, en lengri dvöl gefur tíma fyrir jökla og afskekktari svæði.

  Hvaða hluti Íslands er fallegastur?

  Margir telja suðurströndina eitt fegursta svæði landsins, þar sem fossar, svartar strendur, jöklar og hafið mætast.