Útsýnisstaðurinn við Ölfusá

Ertu að leita að góðum útsýnisstöðum á Suðurlandi? Útsýnisstaðurinn við Ölfusá sker sig úr fyrir kyrrð og opið útsýni. Þangað er auðvelt að komast og þar er oft færra fólk en á öðrum stöðum á leiðinni.

Frá útsýnisstaðnum breiðir Ölfusá úr sér um landslagið, með fjöll í fjarska. Opið umhverfið og síbreytileg birtan gera hann að góðum stað til að staldra við og njóta umhverfisins.

Ef þú ert að skipuleggja dag á Suðurlandi er þetta einfalt stopp að bæta við.

Við hverju má búast á útsýnisstaðnum við Ölfusá

Útsýnisstaðurinn við Ölfusá er látlaus áningarstaður með lágmarks uppbyggingu. Þar er viðarborð fyrir nesti og lítill útsýnispallur. Að öðru leyti er svæðið náttúrulegt, með opnu útsýni yfir umhverfið.

Frá útsýnisstaðnum við Ölfusá máttu búast við:

• Opnum sléttum sem teygja sig um Suðurlandið

• Víðu útsýni yfir Ölfusá, vatnsmesta fljót Íslands

• Fjöllum í fjarska, þar á meðal Heklu, Ingólfsfjalli og Hengli

• Síbreytilegri birtu yfir daginn, sérstaklega við sólarupprás og sólsetur

• Góðum stað til að sjá norðurljósin á veturna

• Stöku íslenskum hestum af bæjunum í kring

• Aðgengi að gönguleiðum fyrir stutta göngutúra í nágrenninu

Umhverfið er opið og rólegt frekar en dramatískt. Þetta er góður staður til að staldra við, njóta nestis og virða fyrir sér landslagið án mannmergðar.

Ábending: Það getur verið vindasamt, jafnvel á sumrin, svo mælt er með hlýjum lögum af fatnaði.

Hvar er útsýnisstaðurinn við Ölfusá?

Útsýnisstaðurinn er í Ölfusi, rétt utan við Selfoss, við Ölfusá, þar sem Hvítá og Sog hafa sameinast áður en áin rennur til sjávar.

Útsýnisstaðurinn er um 60 km frá Reykjavík. Selfoss og Hveragerði eru næstu bæir.

Hvernig kemst þú á útsýnisstaðinn við Ölfusá

Auðvelt er að aka að útsýnisstaðnum frá Reykjavík eða hvaðan sem er af Suðurlandi. Vegirnir eru malbikaðir og opnir allt árið.

Frá Reykjavík:

• Ekið austur hringveginn (þjóðveg 1)

• Beygðu til vinstri inn á veg 35

• Eftir um 5 mínútur kemur þú að útsýnisstaðnum

  Lítið, gjaldfrjálst bílastæði er við staðinn. Gættu þess að leggja þannig að þú lokir ekki aðkomunni.

  Almenningssamgöngur eru takmarkaðar. Strætó 51 og 52 stoppar í Hveragerði og á Selfossi en ekki við útsýnisstaðinn. Leigubílar eru í boði en geta verið dýrir.

  Ekki á bíl? Sumar norðurljósaferðir um Suðurland stoppa við útsýnisstaðinn, eftir því hvaða leið er farin.

  

  Besti tíminn til að heimsækja útsýnisstaðinn við Ölfusá

  Útsýnisstaðinn við Ölfusá má heimsækja allt árið, en upplifunin breytist með árstíðunum.

  Eftir árstíðum:

  • Sumar (júní til ágúst): Langir, bjartir dagar, grænt landslag, góð akstursskilyrði og vatnsmeiri á vegna jökulbráðar

  • Vetur (nóvember til mars): Snævi þakið land, færri gestir og góðar líkur á norðurljósum

  • Vor og haust (apríl til maí, september til október): Færra fólk, breytilegir litir og blanda af birtu og myrkri

    Besti tími dags:

    • Sólarupprás og sólsetur: Mjúk, lág birta yfir ánni og landslaginu í kring

    • Kvöld og nótt (vetur): Bestu skilyrðin til að sjá norðurljósin á heiðskírum kvöldum

    • Snemma morguns: Kyrrlátara andrúmsloft og rólegri aðstæður

      Veðrið getur breyst hratt á hvaða árstíma sem er, svo það er gott að skoða vedur.is áður en lagt er af stað.

      Ljósmyndaráð til að fanga landslagið við Ölfusá

      Útsýnisstaðurinn er góður fyrir landslagsljósmyndun, sérstaklega víðar myndir og breytilega birtu.

      Til að ná sem bestum árangri:

      • Notaðu gleiðhornslinsu til að fanga alla breidd Ölfusár og sléttlendisins í kring

      • Notaðu ána sem leiðandi línu til að leiða augað í gegnum myndina

      • Rammaðu myndina inn með fjöllunum í fjarska, eins og Heklu eða Hengli, á björtum dögum

      • Mættu við sólarupprás eða sólsetur þegar lág birtan gefur landslaginu dýpt og andstæður

      • Taktu þrífót með fyrir myndatöku í lítilli birtu, sérstaklega á veturna og fyrir langan lýsingartíma

        Á veturna hentar útsýnisstaðurinn líka vel fyrir norðurljósaljósmyndun. Opinn himinninn og lítil ljósmengun gefa gott skyggni þegar aðstæður eru réttar.

        Gott ráð: Leitaðu að litla rauða húsinu hinum megin árinnar. Það gefur myndinni sterkan brennipunkt.

        

        Hagnýt ráð fyrir heimsóknina á útsýnisstaðinn við Ölfusá

        Það er auðvelt að skoða sig um á útsýnisstaðnum, en smá undirbúningur gerir stoppið þægilegra.

        Hér eru nokkur ráð til að fá sem mest út úr heimsókninni:

        • Taktu með þér nesti: Viðarborð er á staðnum, svo þar er gott að setjast niður og njóta útsýnisins um stund. Pakkaðu einhverju einföldu, eins og einni með öllu eða kleinu.

        • Gefðu þér tíma til að skoða svæðið: Stígar og opið land bjóða upp á stutta göngutúra. Með smá heppni sérðu jafnvel íslenska hesta á leiðinni.

        • Klæddu þig eftir aðstæðum: Svæðið er berskjaldað og vindurinn getur tekið sig upp hvenær sem er dagsins. Taktu með þér jakka eða auka lag sem auðvelt er að fara í og úr eftir þörfum.

        • Athugaðu veður og færð: Aðstæður á Íslandi geta breyst hratt, sérstaklega á veturna þegar vegum getur verið lokað. Best er að kanna stöðuna áður en lagt er af stað.

        • Skipuleggðu gistingu í nágrenninu: Með bækistöð á Suðurlandi er auðveldara að bæta rólegum stöðum eins og þessum við ferðina. Black Sand Hotel er til dæmis í stuttri fjarlægð frá landslaginu og útsýnisstöðunum í kring.

          Helstu áfangastaðir nálægt útsýnisstaðnum við Ölfusá

          Útsýnisstaðurinn við Ölfusá er vel staðsettur nálægt mörgum af helstu perlum Suðurlands. Þess vegna er auðvelt að flétta hann saman við aðra viðkomustaði á leiðinni, þar á meðal:

          • Selfoss: þekktur fyrir nýja miðbæinn með endurgerðum sögufrægum húsum, veitingastöðum, kaffihúsum og verslunum

          • Kerið: einn af leyndu viðkomustöðunum á Gullna hringnum, litríkur gígur með vatni í botninum, rauðum hlíðum og stuttum göngustíg

          • Reykjadalur: vinsæl gönguleið að heitri á þar sem hægt er að baða sig

          • Fjaran við Þorlákshöfn: svört sandströnd, þekkt fyrir kröftugar öldur og einn af bestu brimbrettastöðum Íslands

            Þessa viðkomustaði er auðvelt að flétta saman í hálfs- eða heilsdags ferðaáætlun um Suðurland, allt eftir þínum takti.

            

            Af hverju að heimsækja útsýnisstaðinn við Ölfusá

            Útsýnisstaðurinn við Ölfusá er rólegri viðkomustaður á Suðurlandi. Þar er hvorki mannmergð né mikil uppbygging, en það er einmitt hluti af sjarmanum. Héðan færðu opið útsýni yfir Ölfusá, ásamt fjöllum í fjarska og víðum himni.

            Hann hentar vel sem stutt pása milli stærri áfangastaða. Ef þú ert að leita að útsýnisstað án mannfjölda eða ert að skoða hvað hægt er að gera í Ölfusi er hann vel þess virði að bæta á leiðina.

            Algengar spurningar

            Er útsýnisstaðurinn við Ölfusá heimsóknarinnar virði?

            Já, sérstaklega ef þú ert hvort sem er á ferðinni nálægt Þorlákshöfn eða Selfossi. Þetta er kyrrlátur staður með víðu útsýni yfir ána og færri gestum en á frægustu stöðunum.

            Sjást norðurljósin frá útsýnisstaðnum við Ölfusá?

            Já. Ljósmengun er lítil í kringum útsýnisstaðinn við Ölfusá og hann er því góður staður fyrir norðurljósaleit á veturna.

            Hversu langt er frá Reykjavík á útsýnisstaðinn við Ölfusá?

            Útsýnisstaðurinn er um 60 km frá Reykjavík og aksturinn tekur yfirleitt 50 til 60 mínútur eftir hringveginum.

            Eru ferðir með leiðsögn á útsýnisstaðinn við Ölfusá?

            Sumar norðurljósaferðir stoppa við útsýnisstaðinn, eftir því hvaða leið er farin, en flestir koma þangað á eigin bíl.

            Er hægt að heimsækja útsýnisstaðinn við Ölfusá á veturna?

            Já, en aðstæður geta verið misjafnar. Vegirnir eru yfirleitt færir en veðrið getur breyst hratt, svo skoðaðu alltaf spána áður en þú leggur af stað.