Allar sögur · Blogg · 21. maí 2026
Allt um Ölfuslindina
Ísland er þekkt fyrir hveri sína og jarðhitalón. En ekki eru allar vatnslindir landsins ætlaðar til baða. Sumar leynast undir yfirborðinu, síaðar í gegnum hraun sem rann fyrir þúsundum ára. Ölfuslindin á Suðurlandi er einn slíkur staður.
Hún er hvorki heilsulind né hefðbundinn ferðamannastaður. Þetta er öflug neðanjarðarlind sem hefur vakið athygli á heimsvísu fyrir hreinleika sinn og eldfjallauppruna.
Ef þú ert á ferð um Suðurland gefur Ölfuslindin þér dýpri skilning á landslaginu í kring.
Hvað er Ölfuslindin?
Ölfuslindin er neðanjarðarlind í Sveitarfélaginu Ölfusi á Suðurlandi sem endurnýjar sig í sífellu á náttúrulegan hátt. Ólíkt þekktum jarðhitalónum landsins er þetta kaldavatnslind. Hún er ekki notuð til baða en er þekkt fyrir að gefa af sér einstaklega hreint, náttúrulegt lindarvatn.
Það sem gerir Ölfuslindina einstaka er bæði stærð hennar og verndun. Lindin liggur undir þykku hrauni á um 52.000 hektara verndarsvæði, sem stuðlar að hreinleika vatnsins. Á hverjum degi renna meira en 900.000 rúmmetrar af vatni úr henni til sjávar, sem gerir hana að einni stærstu þekktu lind í heimi.
Skemmtileg staðreynd: Áætlað er að daglegt yfirfall Ölfuslindarinnar sé meira en tvöfalt heildarmagn alls átappaðs vatns sem drukkið er í heiminum.
Vatnið er náttúrulega basískt með sýrustigið 8,4. Heildarmagn uppleystra efna (TDS) er auk þess lágt, aðeins 62 hlutar á móti milljón, sem gefur vatninu hreint og ferskt bragð. Þökk sé þessum eiginleikum er Ölfuslindin uppspretta Icelandic Glacial, átappaðs vatns sem flutt er út um allan heim.
Náttúrulegt kerfi sem mótast hefur í 5.000 ár
Uppruna Ölfuslindarinnar má rekja til eldgoss fyrir um 5.000 árum. Þá rann hraun yfir svæðið og storknaði í þykkt, gljúpt berg. Þessar íslensku hraunbreiður virka nú sem náttúrulegt síunarkerfi neðanjarðar.
Regnvatn og leysingavatn seytlar niður í jörðina og ferðast hægt í gegnum hraunið, þar sem það síast og hreinsast á náttúrulegan hátt.
Þetta ferli gerist hægt og bítandi og útkoman er vatn sem er:
Steinefnasnautt
Náttúrulega síað gegnum eldfjallaberg
Varið gegn mengun frá yfirborði
Stöðugt að gæðum og hreint á bragðið
Þetta samspil eldvirkni og vatns er eitt af sérkennum íslenskrar náttúru. Sama eldgosið og mótaði landið skapaði um leið skilyrðin fyrir eina merkustu neðanjarðarvatnslind heims.
Hvar er Ölfuslindin?
Ölfuslindin er í Sveitarfélaginu Ölfusi, aðeins um 50 km frá Reykjavík. Stutt er í Þorlákshöfn, helsta þéttbýlið á svæðinu.
Þessi hluti suðurstrandarinnar er rólegri en fjölsóttir staðir á borð við Vík eða jafnvel Selfoss. Hér nýtur þú náttúrunnar í meira næði.
Er Ölfuslindin heit lind?
Nei, Ölfuslindin er ekki heit lind. Hún er köld neðanjarðarlind og þaðan kemur vatnið í Icelandic Glacial.
Lindin er jafnframt vernduð. Hún hefur ekki verið gerð að ferðamannastað og er ekki opin almenningi sem baðstaður.
Ef þig langar í heita laug í nágrenninu eru ýmsir kostir í boði við suðurströndina. Einn sá vinsælasti er Reykjadalur, þar sem hægt er að ganga að náttúrulega heitri á.
Er hægt að heimsækja Ölfuslindina?
Lindin sjálf er ekki aðgengileg almenningi. Hún er vernduð og nýtt til vatnsframleiðslu. Engir útsýnispallar, stígar eða baðsvæði tengjast henni beint.
Það þýðir þó ekki að svæðið hafi ekki upp á neitt að bjóða. Í Ölfusi er fjölmargt að sjá og gera, þar á meðal:
Hestaferðir
Göngu- og hjólaferðir
Að skoða hraun og hella
Að heimsækja svartar sandstrendur
Að elta norðurljósin á veturna
Þótt þú sjáir lindina sjálfa aldrei ná áhrif hennar um allan heim.
Ef þig langar að heimsækja hveri er svæðið líka ríkt af jarðhitaundrum. Meðal staða sem hægt er að skoða eru hverasvæðið í Hveradölum, hverirnir við Hverahlíð og hveragarðurinn í Hveragerði.
Sveitarfélagið er auk þess í góðum tengslum við Reykjanesskagann, Gullna hringinn og suðurströndina.
Ferðaráð fyrir dvöl í Ölfusi
Góður undirbúningur hjálpar þér að fá meira út úr ferðinni, þótt lindin sjálf sé ekki aðgengileg. Hafðu þetta í huga:
Tvinnaðu heimsóknina saman við ferð um Suðurland: Ölfus passar vel inn í ferðaáætlun um Suðurland. Þú getur skoðað fossa, svartar sandstrendur og strandþorp í sömu ferð.
Klæddu þig eftir breytilegu veðri: Aðstæður geta breyst hratt. Taktu með þér hlý lög og vatnsheldan fatnað, jafnvel á sumrin.
Berðu virðingu fyrir vernduðum svæðum: Ölfuslindin er hluti af mun stærra og viðkvæmu náttúrukerfi. Haltu þig á merktum stígum þegar þú ferð um hraunin á svæðinu og forðastu lokuð svæði.
Veldu þægilega bækistöð: Gisting við suðurströndina veitir betri aðgang að áhugaverðum stöðum í nágrenninu.
Hótel við sjóinn er rólegur staður til að snúa aftur á eftir viðburðaríkan dag, þar sem hægt er að hægja á sér og njóta umhverfisins.
Á stað eins og Black Sand Hotel geturðu notið:
Útsýnis yfir svarta sandströnd og opið haf
Þægilegra herbergja í skandinavískum anda
Veitingastaðarins ÓMS og heilsulindar á staðnum
Greiðs aðgangs að helstu perlum Suðurlands
Eftir viðburðaríkan dag úti í náttúrunni er gott að eiga herbergi með útsýni yfir hafið og hlýtt skjól til að slaka á í.
Af hverju skiptir Ölfuslindin máli?
Þú stendur kannski aldrei við sjálfa Ölfuslindina, en hún er samt hluti af upplifun þinni af Suðurlandi. Hún sýnir hvernig Ísland vinnur undir yfirborðinu og hvernig hraunið getur skapað eitthvað sem verður heimsþekkt, eins og Icelandic Glacial.
Ölfuslindin minnir okkur á að ekki er allt á Íslandi sýnilegt. Sum mikilvægustu náttúrufyrirbæri landsins leynast neðanjarðar og vinna sitt verk í kyrrþey. Og einmitt það gerir íslenska náttúru svo heillandi.
Algengar spurningar
Hvar er Ölfuslindin á Íslandi?
Ölfuslindin er í Sveitarfélaginu Ölfusi, um 50 km suðaustur af Reykjavík, nálægt Þorlákshöfn.
Kemur Icelandic Glacial vatnið raunverulega frá Íslandi?
Já, Icelandic Glacial vatnið kemur úr Ölfuslindinni á Íslandi. Það er sótt í náttúrulega verndaða neðanjarðarlind.
Er Icelandic Glacial vatnið þess virði?
Það fer eftir smekk. Icelandic Glacial er þekkt fyrir hreinleika og ferskt bragð. Kranavatn á Íslandi er hins vegar nú þegar í hæsta gæðaflokki og óhætt að drekka.
Er Icelandic Glacial vatnið hollt?
Já, Icelandic Glacial vatnið er hreint, öruggt og steinefnasnautt og því auðdrekkanlegt. Það hefur þó enga sérstaka heilsufarslega kosti umfram annað hágæða drykkjarvatn.
Af hverju er óþarfi að kaupa vatn í flöskum á Íslandi?
Kranavatnið á Íslandi er með því hreinasta í heimi. Að drekka það dregur úr plastúrgangi og er umhverfisvænni kostur.
Hvaða vatn er hollast að drekka?
Það er ekkert eitt „hollasta“ vatnið. Besti kosturinn er hreint og öruggt drykkjarvatn sem þér þykir gott og getur drukkið reglulega, hvort sem það er kranavatn, lindarvatn eða síað vatn.
Hvaða land á besta vatnið?
Bragð er smekksatriði, en lönd eins og Ísland, Sviss og Noregur fá gjarnan hrós fyrir hreint og ferskt vatn. Náttúruleg síunarkerfi þeirra eiga sinn þátt í því orðspori.
